ބޭނުންވާތަކެތި:
ދިގު ބަނަސް (ސަބްމެރިން ބަން)
1 ދަޅު ފަސްމީރު މަސް
2 ފިޔާ (ވަރަށް ހިމުންކޮށް ކޮށާފައި)
1/4 ގިތެޔޮމިރުސް (ހިމުންކޮށް ކޮށާފައި)
4 ބިސް (ފެނުކެއްކި)
ލެޓިއުސް (ފަތްތައް ފަޅިކޮށްފައި)
4 ފޮތި ޗީޒް
1 ލޮނުމެދު ގާނާފައި
1 ސައިސަމުސާ ޗިކަންކިއުބް
1/2 ސައިސަމުސާ މަސްޓަރޑް ކްރީމް
2 މޭޒުމަތީ ސަމުސާ ޓޮމާޓޯ ޕޭސްޓް
ޓޮމާޓޯ ސޯސް (ކުލަ ހިފާވަރަށް)
1/2 ސައިސަމުސާ މުގުރި އަސޭމިރުސް
1 ޓޮމާޓޯ ހިމުންކޮށް ކޮށާފައި
ތެޔޮފޮދެއް
ބަޓަރުކޮޅެއް (ބަނަހުގެ އެތެރޭގައި ހޭކުމަށް)
ލޮނުކޮޅެއް
އަސޭމިރުސް
ތައްޔާރުކުރާނެ ގޮތް
ތަވާ އުދުންމައްޗަށް އުދާށެވެ. ކުޑަ ތެޔޮފޮދެއް އަޅާފައި ހޫނުވީމަ ފިޔާ، މިރުސް އަޅާށެވެ. ފިޔާގެ ކުލައަށް ބަދަލުއައިސް ކުޑަކޮށް ރަތްވީމަ ބަނަސްފިޔަވައި، މަސްގަނޑަށް ބޭނުންވާ ހުރިހާއެއްޗެއް އަޅާފަ އެއްކުރުމަށްފަހު ރޯފިލަންދެން ކައްކާށެވެ.
ބަނަހުގެ މެދުން ދިގަށް ފަޅާލުމަށްފަހު އެތެރޭގައި ބަޓަރު ހާކާފަ ލެޓިއުސް ފަތްކޮޅެއް ބާއްވާށެވެ. އެއަށްފަހު ތައްޔާރުކުރި މަސްގަޑުން މަސް އަޅާށެވެ. މަސް މަތީގައި ޗީޒް އަތުރާށެވެ. ޗީޒް މަތީގައި ބިސް ފޮތިތައް އެތުރުމަށްފަހު އޭގެ މައްޗަށް ކުޑަ އަސޭމިރުސްކޮޅެއް އަޅާށެވެ.
