ދުނިޔޭގައި ހުރި އެންމެ ދުވަސްވީ އާސާރީ ތަންތަނަކީ ޒިޔާރަތްކޮށް އެތަނުގެ އަސްލު އެނގެން ބޭނުންވާ ތަންތަނެވެ. ދުނިޔޭގައި ހުރި އެންމެ ދުވަސްވީ އެއް ޝޮޕިން މޯލަކީ ކޮބައިތޯ ބަލާލާނަމެވެ.
"ގެލެރިއާ ވިޓޯރިއޯ އިމަނުއެލް" އަކީ އިޓަލީގެ މިލާންގައި ހުންނަ ޝޮޕިން މޯލްއެކެވެ. ހަތަރު ފަންގިފިލާއަށް ހުންނަ މިއިމާރާތުގެ ނަން ބަދަލުކުރެވުނީ "ވިކްޓޯ އިމަނުއެލް 2"އަށެވެ. އެއީ އިޓަލީގެ ފުރަތަމަ ރަސްގެފާނުގެ ނަމެވެ. މިތަން ޑިޒައިން ކޮށްފައިވަނީ 1861 ވަނަ އަހަރުއެވެ. މިތަން އިމާރާތްކޮށް ނިންމުމަށް 12 އަހަރު ހޭދަވިއެވެ. މިތަނުގެ އިމާރާތުގެ ތަފާތުކަމާއި ޗާލުކަމުން ފުރިހަމަކަން ގެނުވައެވެ.
އެންމެ ކުރީގެ އާކިޓެކްޗަރ އެއްގެ ގޮތަށް އޮންނައިރު 'އޮކްޓޮގަން ޝޭޕަށް' މެދުން ބިއްލޫރި ޖަހާފަ ހުންނައިރު މިތަނުގެ މަލަމަތި ފެންނަނީ ވަރަށް ފުރިހަމައަށެވެ. މިއީ މީގެ 600 އަހަރު ކުރީގެ އާކިޓެކްޗަރ އެކެވެ.
މިއިމާރާތުގައި ހުރި އެކިކަހަލަ ރެސްޓޯރެންޓުތަކާއި ކޮފީޝޮޕްތަކުން އިތުރު ފުރިހަމަކަން ގެނެސްދެއެވެ. ފެޝަން އިންޑަސްޓްރީގައި ފުންނާބުއުސް ބްރޭންޑްތައް ކަމަށްވާ ޕްރާޑާ، ގުޗީ، ލުއި ވިޓޮންގެ ތަކެތި ވިއްކަން ހުރެއެވެ.
މޮޒައިކް މާބަލް ބޭނުންކޮށްގެން ހަދާފައި ހުންނައިރު ބޭރުން ފެންނަން އެހުންނަ ޗާލުކަން ވަރަށްވެސް ފުރިހަމައެވެ. އާސާރީގޮތުން އެންމެ ދުވަސްވީ ރެސްޓޯރެންޓް އަދި ކެފޭތައް މިތަނުގަ ހުންނައިރު، 1867ގައި ހުޅުވައިފައިވާ މިލާންގެ ޚާއްސަ ކެފޭއެއް ކަމަށްވާ "ބިފީ ކެފޭ' ވެސް ހުންނަނީ މިތަނުގައެވެ. މިތަނުގެ އިމާރާތް ބަލާލަން ދިއުމުން ސިފަވެގެންދަނީ އެތައް ގަރުނެއްގެ ކުރީގެ ރީތި ޑިޒައިންތަކެކެވެ.
