މެކްޑޮނަލްޑްސް އަކީ ފާސްޓްފުޑް ވިއްކާ ތަންތަނުގެ ތެރެއިން ވަރަށް ގިނަ ބަޔަކަށް ކަމުދާ ތަނެކެވެ. ދުނިޔޭގެ ގިނަ ގައުމުތަކުގައި ވަރަށް ފަސޭހައިން އަގުހެޔޮކޮށް ކާލެވޭ ކެއުމެއްގެ ގޮތުގައިވެސް މެކްޑޮނަލްޑްސްގެ ކެއުންތައް ހިމެނެއެވެ. މެކްޑޮނަލްޑްސް ބާގަރ އަކީ ވަރަށް ކުރިއްސުރެވެސް ދިވެހީންގެ މެދުގައި މަގުބޫލުވެފައިވާ އެއްޗެކެވެ.
އެންމެ ފުރަތަމަ މެކްޑޮނަލްޑްސްއެއް ހުޅުވާފައިވަނީ 'ރިޝަޑްއެންޑް މައުރިސް' އެވެ. އެއީ 1940 ވަނަ އަހަރު ކެލިފޯނިއާގެ ސަން ބާނާޑިނޯގައެވެ. އެއަށްފަހު އެމީހުން އެތަން ވިއްކާލީ އެވެ. މިހާރު ދުނިޔޭގެ 119 ގައުމެއްގައި މެކްޑޮނަލްޑްސް ހުރެއެވެ.
ދިވެހިން އާންމުކޮށް ދަތުރުކުރާ ތައިލެންޑްގެ ވެރިރަށް ބެންކޮކުގައި އެންމެ ފުރަތަމަ ހުޅުވުނު މެކްޑޮނަލަޑްސްއަކީ ޒަމާންތަކެއްވެފައިވާ ތަނެކެވެ. މިތަނަކީ ހުޅުވުނު ފަހުން އެއްވެސް އިރެއްގައި މަރާމާތުކޮށްފައި ނުވާ ތަނެކެވެ. މިތަން ހުންނަނީ 'އަމާރިން ޕްލާޒަރ'ގައެވެ. މިތަނަކީ ބެންކޮކުގެ ސެންޓަރްލަގައި ހުންނަ ޝޮޕިން މޯލްއެއްގެ ތެރޭގައި ހަދާފައި ހުންނަ ތަނެކެވެ.
މިތަނަކީ މީގެ 37 އަހަރު ކުރިން 1985 ވަނަ އަހަރު ހުޅުވައިފާ ތަނެކެވެ. މިދިޔަ ޖޫންމަހުގެ 30 ވަނަ ދުވަހުން ފެށިގެން 2 އަހަރު ދުވަހުގެ މުއްދަތަށް މިތަން ވަނީ އެއްކޮށް ބަންދުކުރަން ނިންމާފައެވެ. މިތަން މަރާމާތުކުރުމަށް ބަންދުކުރުމުގެ ކުރިން ވަރަށް ގިނަ މީހުން މިތަނަށް ޒިޔާރަތްކޮށް ފޮޓޯ ނަގާފައިވެއެވެ.
މިގޮތުން އެންމެ ރީތި ފޮޓޯ ނެގި މީހަކު ހޮވުމަށް ވަނީ ހަމަޖެހިފައެވެ. އަދި ތަފާތު އިނާމުތަކާއި ވައުޗަރތައް ދިނުމަށް ވަނީ ހަމަޖެހިފައެވެ. 200 ބާތަށްވުރެ ގިނައިން ޚަރަދުކުރާ މީހަކަށް ލިމިޓެޑް އެޑިޝަންގެ ޓީޝާޓެއްވެސް ދިނުމަށް ހަމަޖައްސައިފައިވެއެވެ.
