ތަފާތު ބާވަތްތަކުގެ ކާތަކެތި ތައްޔާރުކުރާއިރު އަޖިނަމޮޓޯ ބޭނުންކުރާ މީހުން އުޅެއެވެ. މިގޮތުން ކުޅިކޮށް ތައްޔާރުކުރާ ހެދިކާ، އަދި ރިހަ، ކިރުގަރުދިޔަ ފަދަ ބާވަތްތައް ތައްޔާރުކުރާއިރު އަޖިނަމޮޓޯ އަޅައެވެ. އެހެންނަމަވެސް އަޖިނަމޮޓޯ އަކީ ގެއްލުންހުރި އެއްޗެއްކަން އެނގުމުން ކެއުމަށް އަޖިނަމޮޓޯ ބޭނުން ނުކުރާ މީހުން ދަނީ ގިނަވަމުންނެވެ.
އަޖިނަމޮޓޯގައި ހިމެނެނީ ކޯއްޗެއް؟
އަޖިނަމޮޓޯ ނުވަތަ މޮނޮސޯޑިއަމް ގުލުޓަމޭޓް (އެމްއެސްޖީ) އުފައްދަނީ ސޯޑިއަމް އާއި ގުލޫޓަމިކް އެސިޑް ބޭނުންކޮށްގެންނެވެ. އަދި އަޖިނަމޮޓޯ ތައްޔާރުކުރުމަށް އުއްދަނޑި، ޝުގަރ ބީޓްސް، ޒުވާރި ބޭނުންކުރެއެވެ.
އަޖިނަމޮޓޯ ކެއުމުން ލިބެނީ ކޮންކަހަލަ ގެއްލުމެއް؟
އަޖިނަމޮޓޯ އިން ލިބޭ ގެއްލުމާއިމެދު ވިސްނަން އެބަޖެހެއެވެ.
- އެލާޖިކް މައްސަލަތައް ދިމާވާ މީހުން އަޖިނަމޮޓޯ ކެއުމަކީ ރަނގަޅުކަމެއް ނޫނެވެ. އަޖިނަމޮޓޯ ކެއުމުން މެއިން ދިލަނެގުން، މޫނު ދުޅަވުން، އަދި ރިއްސުން ފަދަ މައްސަލަތައް ކުރިމަތިވާކަމަށް ފާހަގަކޮށްފައިވެއެވެ.
- އަޖިނަމޮޓޯ ގިނައިން ކެއުމުން ހަށިގަނޑުން ކެލްސިއަމް މަދުވުމަށް މެދުވެރިވެ ކަށީގެ ބާރު ދަށްވެ ހުޅުހުޅުގައި ރިއްސުމަށް މަގުފަހިވެއެވެ.
- ދާއިމީކޮށް އަޖިނަމޮޓޯ ކެއުމުން ލިބޭ އެންމެ އާންމު ގެއްލުމަކީ ބޮލުގައި ރިއްސުމެވެ. މިގޮތުން ބޮލުގައި ރިހުން މައިގްރެއިން އަށް ބަދަލުވެ މޭނުބައިކުރުމާއި ލޯފުސްވުން ފަދަ ކަންތައްވެސް މެދުވެރިވެދާނެ ކަމަށް ފާހަގަކޮށްފައިވެއެވެ.
- މާބަނޑުމީހުން އަޖިނަމޮޓޯ ކެއުމަކީ ރަނގަޅުކަމެއް ނޫނެވެ.
- އަޖިނަމޮޓޯ ގިނައިން ކެއުމަކީ ކެންސަރުވެސް ޖެހިދާނެ ކަމެކެވެ. މިގޮތުން 'ކޮލޮރެކްޓަލް' ކެންސަރަށް މަގުފަހިވުމުގެ ފުރުސަތު ބޮޑުކަމަށް ފާހަގަކޮށްފައިވެއެވެ.
އަޖިނަމޮޓޯ އަކީ ކާތަކެތީގެ ރަހަ މީރުވާ އެއްޗެއްކަމަށް ގަބޫލުކުރެވުނަސް އޭގެ ސަބަބުން ގެއްލުން ލިބޭނަމަ އެންމެ ރަނގަޅު ގޮތަކީ ބޭނުންނުކުރުމެވެ.
މައުލޫމާތު: ހެލްތްޝޮޓްސް ޑޮޓްކޮމް
ޖުމްލަ 2 ކިޔުންތެރިންގެ ހިޔާލު
ދެން ކީއްވެ ރާއްޖެއަށް ތި އެތެރެ ކުރަނީ
ސިނގިރެޓާ ބިޑިޔާ ފޯކާވެސް އެތެރެކުރާ ގޮތަށް ތިވެސް އެތެރެކުރަނީ.
ކޮމެންޓްސް ބަންދުކުރެވިފައި