މިއީ މީގެ އަހަރުތަކެއް ކުރިން ހިނގާފައިވާ ހާދިސާ އެކެވެ. މިހާދިސާގައި ގެނެސްދީފައިވާ ނަންތަކަކީ އަސްލު ނަންތަކެއް ނޫނެވެ. ޢަލީ އުމުރުން އެއިރު އެއްއަހަރުވެސް ނުވާނެއެވެ. އެވަގުތު އަލީ ނަގައިގެން ހުރީ ބޮޑުދައިތައެވެ. ޢަލީ އަށް ވުރެ ބޮޑުދައިތަ އުމުރުން ބޮޑުވާނީ 10 ވަރަކަށް އަހަރެވެ.
އެޒަމާނުގައި ފެންވަރަން މީހުން ބޭނުންކުރަނީ ގޭގެ ގިފިލީގައި ހުންނަ ވަޅެވެ. އަލީގެ ބޮޑުދައިތައަކީ އެހާވިސްނޭ ވަރުގެ މީހަކަށް ނުވާތީ ޢަލީ ގޮވައިގެން ގޮއްސަ ދާނި ބޭނުންކޮށްގެން ވަޅުން ފެން ނެގޭތޯ މަސައްކަތް ކުރިއެވެ. ކުއްލިއަކަށް އަލީ ވަޅަށް ވެއްޓިއްޖެއެވެ. ވެއްޓުމާއެކު ޢަލީ ވަރަށް ބާރަށް ރޯންފެށިއެވެ. ޢަލީގެ މަންމަ ދުވެފަ އައީ ޢަލީ ރޯ އަޑަށެވެ. ބަލާލިއިރު ލޯބިވާ ދަރިފުޅު އޮތީ ވަޅުތެރޭގައެވެ. ޢަލީގެ މަންމަ އެއްވެސް ވިސްނުމެއް ނެތި ވަގުތުން ވަޅަށް ފުންމާލިއެވެ. ފުންމާލުމަށްފަހު ޢަލީ ފެންގަނޑުން ނަގާ ހުއްޓުވޭތޯ މަސައްކަތް ކުރިއެވެ.
މިހާދިސާގައި ޢަލީއަށް މާބޮޑު ގެއްލުމެއް ނުލިބެއެވެ. އެހެންނަމަވެސް ޢަލީގެ މަންމައަށް ޢަލީ ގޮވައިގެން ވަޅުން މައްޗަށް އަމިއްލައަށް އެރޭ ގޮތެއްނުވިއެވެ. އަލީގެ ބޮޑުދައިތަގެ އެހީތެރިކަމާއެކު ޖެހުނީ ހަރުގަނޑެއްގެ އެހީގައި ވަޅުން މައްޗަށް އަރާށެވެ. މިއީ ޢަލީގެ މަންމަ ދުވަހަކުވެސް ހަނދާން ނެތޭނެ ހާދިސާއެއް ނޫނެވެ.
