ދޮންއާދަނު ދުވެފައި އައިސް އަޝްރަފް ދުރަށް ޖެއްސިއެވެ. އަޝްރަފް އަށް ރަނގަޅަށް ނޭވާ ލެވުނީ އެހިސާބުންނެވެ.

އަޝްރަފްގެ ލޮލުން ކަރުނަ އައެވެ. އޭނާއަށް އިވުނު އަޑަކީ ދޮންއާދަނާއި އޭނާގެ އަންހެނުންގެ ރޫޙު ހެމުން ދިޔަ އަޑެވެ.

އަޝްރަފް، ބިރުނުގަންނާތި. އަހަރެމެން ތިބީ ރައްކާތެރިކަން ދޭން" ދޮންއާދަނުގެ އަންހެނުން ބުންޏެވެ.

އަޝްރަފްއަށް އިހްސާސްވީ އޭނާ މިހާރު ހުރީ ރޫޙުތަކުގެ މެދުގައި ކަމެވެ. އޭނާ ބިރުން ހަޅޭއްލަވަމުން ދިޔައެވެ. އެކަމަކު އެއްވެސް މީހަކަށް އޭނާގެ އަޑު ނީވޭނެކަން އޭނާއަށް އެނގުނެވެ. އަޝްރަފްއަށް އިހުސާސްވީ އޭނާގެ ހަށިގަނޑު ފިނިވަމުންދާ ކަމެވެ. އޭނާގެ ނޭވާ ހިފެހެއްޓެމުން ދިޔައެވެ. އެންމެ ފަހު ވަގުތު އޭނާއަށް ފެނުނީ އޭނާގެ ވަށައިގެން ތިބި އެތައް ރޫޙުތަކެއްގެ މޫނުތަކެވެ.

އަޝްރަފްގެ ހިތުގައި ބިރުވެރިކަން އިތުރުވަމުން ދިޔައެވެ. އޭނާއަށް ހީވީ މިއީ އޭނާގެ ދުނިޔޭގެ ދިރިއުޅުމުގެ އެންމެ ފަހު ވަގުތުތައް ކަމަށެވެ. އެކަމަކު ކުއްލިއަކަށް އެ ރޫޙުތަކުގެ ތެރެއިން އެއް ރޫޙު ކުރިއަށް އައެވެ. އެ ރޫޙުގެ މޫނުމަތީގައި ވަނީ ހިނިތުންވުމެކެވެ. އެ ރޫޙު އަޝްރަފްގެ ކައިރިއަށް އައިސް އޭނާގެ ކޮނޑުގައި އަތްލިއެވެ. އަޝްރަފް އެ ރޫޙުގެ އަތް ދުރަށް ލިއެވެ. އަދި ކޮޓަރިއަށް ވަންނަން ހިނގައިގަތީ ވަރަށް ބިރުން ހުރެއެވެ. ކޮޓަރިއަށް ވަނުމާއި އެކު އަޝްރަފް އަވަސްވެގަތީ ސަލީމަށް ގުޅުމަށެވެ.

"ކޮބާ އަނެއްކާވެސް ކަންތަކެއް ލައިގަތީދޯ" ސަލީމް ފޯނު ނެގުމާއި އެކު ފުރަތަމަވެސް ބުނެލިއެވެ.

އަޝްރަފް އަށް ދޭނެ ޖަވާބެއް ނޭގުނެވެ. ނުވަތަ ޖަވާބު ދޭން ބޭނުން ނުވަނީއެވެ. އެނބުރި ދޮންއާދަނުގެ ގެއަށް އަޝްރަފް އައީ ސަލީމް ނުދާށޭ ބުނެފައޮއްވައެވެ.

"އެކަމަކު އެމީހުން ވަރަށް ރަނގަޅު. އެކަމަކު ރޫޙުތަކެއް އުޅޭތީ ބިރުގަންނަނީ" އަޝްރަފް ވާހަކަ ފެށިއެވެ.

"ދެންވެސް އާދެބަލަ މިގެއަށް" ސަލީމް އަޝްރަފް އެގެއިން ނެރެވޭތޯ އުޅުނެވެ.

"އެމީހުން ވަރަށް ރަނގަޅު. އެއްވެސް ގޯނާއެއް ނުކުރޭ. އެމީހުން ތިބީ އަހަރެންގެ ހިމާޔަތުގައި. އަހަރެން ބޭނުންވަނީ އެމީހުންގެ ހަގީގަތް ހޯދަން" އަޝްރަފް ބޭނުންވީ އެގޭގައި އަދިވެސް މަޑުކޮއްލާށެވެ.

"އަޝްރަފް، ކަލޭ ތިހިރީ ވަރަށް ނުރައްކާތެރި ކަމެއްގައި. އެ ރޫޙުތަކަކީ ކޮންއެއްޗެއްކަން ވެސް ނޭނގެ. އަވަހަށް ނިކުމޭ އެގެއިން" ސަލީމްގެ އަޑުން އޭނާ ކަންބޮޑުވެފައިވާކަން އެނގުނެވެ.

"އަޝްރަފް! ކަލޭ ތިހިރީ ބުއްދި ގޯސްވެފައި! ރޫޙުތަކާ ވާހަކަދައްކަނީ ކިހިނެއް؟ އަވަހަށް ނިކުމޭ އެގެއިން" ސަލީމްގެ އަޑު އިތުރަށް ކަންބޮޑުވުމުގެ ރާގަކަށް ބަދަލުވިއެވެ.

"އަޝްރަފް، ތިދައްކަނީ ކޮން ވާހަކައެއް؟ އެއީ ކިހިނެއް ވާކަމެއް؟" ސަލީމް ހައިރާންވެފައި ހުރެ ހަމަހިމޭނުން ބުންޏެވެ.

"އަޝްރަފް، އެކަމަކު އެއީ ވަރަށް ނުރައްކާތެރި ކަމެއް ނޫންތަ؟ ރޫޙުތަކާ ގުޅުން ނުބާއްވާތި" ސަލީމްގެ އަޑުން އަދިވެސް ކަންބޮޑުވުން ފާޅުވިއެވެ.

"ޝުކުރިއްޔާ. ސަލީމްގެ ކަންބޮޑުވުން އަހަރެން ދަންނަން. އަހަރެން ވަރަށް ފަރުވާތެރިވާނަން. އަދި އެއްވެސް ކަމެއް ވެއްޖެނަމަ އަންގާނަން. އެކަމަކު އަހަރެން ޔަޤީން މިކަމުން ވަރަށް ގިނަ ރަނގަޅު ކަންތައްތަކެއް ވާނެކަން" އަޝްރަފް ހިތްހަމަޖެހުމާއެކު ބުންޏެވެ.
ސަލީމް އިތުރަށް އެއްޗެއް ބުނުމުގެ ކުރިން އަޝްރަފް ފޯނު ބާއްވާލިއެވެ. އޭނާގެ ހިތުގައި ވަނީ އަޖައިބުވެރި އުއްމީދެކެވެ. އެހެންނަމަވެސް، އެ އުއްމީދާއެކު ބިރުވެރިކަމުގެ އިހުސާސްވެސް އޮތެވެ.

އަޝްރަފް ނިދަން އޮށޯތެވެ. އެކަމަކު ނިދި ނާދެއެވެ. އޭނާގެ ސިކުނޑީގައި އެކި ވިސްނުންތައް އުފެދެމުން ދިޔައެވެ. ރޫޙުތަކުގެ ވާހަކަ، އެމީހުންގެ ހިނިތުންވުން، އެމީހުންގެ ހިމާޔަތް... މިހުރިހާ ޚިޔާލުތަކެއް އެއްފަހަރާ އައިސް އޭނާގެ ސިކުނޑި ތޮއްޖެހިގެން ދިޔައެވެ.

ކުއްލިއަކަށް، އަޝްރަފްގެ ކޮޓަރީގެ ދޮރު ހުޅުވުނު އަޑު އިވުނެވެ. އޭނާ ބިރުން ތެދުވެ އިށީނދެލިއެވެ. ކޮޓަރީގެ އަނދިރިކަމުގައި އެއްޗެއް ފެންނަން ނެތެވެ. އެކަމަކު އޭނާއަށް އިހުސާސްކުރެވުނީ ކޮޓަރީގައި އިތުރު މީހަކު އުޅޭހެންނެވެ.

"ކާކު... ކާކު؟" އަޝްރަފް ވަރަށް މަޑުމައިތިރިކޮށް އަހާލިއެވެ.

ޖަވާބެއް ނާދެއެވެ. އެކަމަކު އަޝްރަފްއަށް އިވުނީ ވަރަށް މަޑު، ފިނި ނޭވައެއްގެ އަޑެވެ. އެ އަޑު އައީ އޭނާގެ ކައިރިންނެވެ. އަޝްރަފްގެ ހިތުގެ ވިންދު އަވަސްވެގެން ދިޔައެވެ.

އަޝްރަފް..." ވަރަށް މަޑު އަޑަކުން ގޮވާލިއެވެ."

އަޝްރަފްއަށް އެ އަޑު ވަރަށް ހިތްގައިމެވެ. އެއީ އޭނާއަށް ކުރިން ފެނުނު ހިނިތުންވި ރޫޙުގެ އަޑެވެ. އަޝްރަފްގެ ބިރުވެރިކަން ކުޑަވެގެން ދިޔައެވެ.
"ކަލޭމެންނަކީ ކޮންބައެއް؟ ކީއްވެ ތިތިބީ މިގޭގައި؟" އަޝްރަފް ކެރިގެން އަހާލިއެވެ.

 އަޝްރަފްގެ ވަރަށް ކައިރިން އިވުނެވެ."އަހަރެމެންނަކީ މިގޭގެ ކުރީގެ ވެރިން. އަހަރެމެން މިތިބީ މިގެ ރައްކާތެރިކުރުމަށް"

އަޝްރަފްގެ ހިތުގައި އުފާވެރިކަމާއި ހައިރާންކަން އެކުވެގެން ދިޔައެވެ. އޭނާއަށް އިހުސާސް ކުރެވުނީ މިއީ އާދައިގެ ކަމެއް ނޫންކަމެވެ. އަދި މިކަމުގައި ވަރަށް ބޮޑު ސިއްރެއް އޮތްކަމެވެ.

"އަހަރެމެންގެ ވާހަކަ އިތުރު މީހަކުގެ ގާތުގައި ނުބުނާތި. އަހަރެމެން ކަލެއަށް އިތުރު މަޢުލޫމާތު ދޭނަން. އެކަމަކު ވަގުތު އަންނަންދެން ކެތްތެރިވޭ" އެއަޑު އަޝްރަފް އާއި ދުރަށް ދާހެން ހީވިއެވެ.

އެހާ ހިސާބުން އެ އަޑު ކެނޑުނެވެ. އަޝްރަފްއަށް އިހުސާސްކުރެވުނީ އެ ރޫޙުތައް ގެއްލިގެން ދިޔަކަމެވެ. އޭނާ އަނެއްކާވެސް އޮށޯވެލިއެވެ. މިފަހަރު އޭނާގެ ހިތުގައި ވަނީ ބިރުވެރިކަމަށްވުރެ ބޮޑަށް ކުރިމަގާމެދު ޝައުޤުވެރިކަމެވެ. އަޝްރަފްއަށް ބޭނުންވީ މި ގޭގައި އޮތް ސިއްރު ހޯދުމެވެ. އެ ރޭ އޭނާއަށް ނިދުނު ނަމަވެސް، އެއީ ވަރަށް ހާސްކަން ބޮޑު ނިދުމެކެވެ. ހެނދުނު ހޭލުމަށްފަހު އަޝްރަފް އަވަސްވެގަތީ ސަލީމް އާއި ބައްދަލުކޮއްލަން އެގެއަށް ދިއުމަށެވެ. ފާޚާނާއަށް ވަދެ ރީތިވެލައިގެން ބޭރަށް ނިކުތްއިރު އެއްވެސް މީހަކު ފެންނާކަށް ނެތެވެ. ގޭތެރެ އޮތީ ހިމޭންވެފައެވެ. ދޮންއާދަނު ފެންނާކަށް ނެތެވެ. އަޝްރަފް ބޭރަށް ނިކުމެ އެގޭގެ ގޯތިތެރެވެސް ހޯދިއެވެ. ދޮންއާދަނު ފެނޭތޯއެވެ. އެކަމަކު ދޮންއާދަނުގެ ހިލަމެއްވެސް ނުވެއެވެ.

އަޝްރަފް ސަލީމްގެ ގެއަށް ދިޔައެވެ. ސަލީމް އޭނާއަށް ދޮރު ހުޅުވައިދިނެވެ. "ކީއްވެ ތިހާ އަވަހަށް އައީ؟" ސަލީމް އަހާލިއެވެ.

އަޝްރަފް ސަލީމްއަށް ރޭގަނޑު ހިނގި ހާދިސާ ކިޔައިދިނެވެ. ސަލީމް އަޑުއަހަމުން ދިޔައީ ހައިރާންވެފައެވެ.

"އަޝްރަފް، ކަލޭ ތިބުނަނީ ތެދެއްތަ؟ އެއީ ހަމަ ޙަޤީޤަތުގައި ވެސް ހިނގި ކަމެއްތަ؟" ސަލީމް އަހާލިއެވެ.

"އާނ، ހަމަ ޔަޤީނުން ވެސް. އަހަރެން ދޮގެއް ނުހަދަން. އެކަމަކު މިހާރު އަހަރެން ބޭނުންވަނީ އެ ގޭގެ ތާރީޚާ ބެހޭ ގޮތުން އިތުރު މަޢުލޫމާތު ހޯދަން" އަޝްރަފް ބުންޏެވެ.

އެމީހުންނަށް އެހިސާބަށް ވާހަކަ ދެކެވުނުތަނާހެން ސަލީމްގެ އަންހެނުން އެމީހުންނަށް ސައިތައްޔާރުކޮއްލާފައި ގޮވިއެވެ.

"ދެން ނުވާނެ އެންމެ ސިކުންތަކަށްވެސް މަޑުކުރާކަށް. އަނބިމީހާއަށް ކިޔަމަންވާންވާނެ" ސަލީމް ހޭންފެށިއެވެ.

"ހާދަހާ އަނބި ދަށުވެފަ. ނުވާނެ ތިވަރަކަށް އުޅެން" އަޝްރަފް މަޖަލަކަށް ހަދާފައި ބުނެލިއެވެ.

ދެމީހުން އެކީގައި ގޮސް މޭޒު ދޮށުގައި އިށީނެވެ. ސަލީމްގެ އަންހެނުން އެމީހުންގެ ގާތުގައި އިށީނުމުން ސަލީމް ވާހަކައިގެ މަޢުލޫ ބަދަލުކޮއްލިއެވެ.

"މިރަށުން މި އަޝްރަފްއަށް ރަނގަޅު އަންހެން ކުއްޖެއް ހޯދަދީބަލަ. މުޅި އުމުރު އެ ހޭދަކުރަނީ ކޮންމެވެސް ދިރާސާއެއް ކުރުމުގަ. ދެން އަޝްރަފް މިރަށުގައި ހުންނާނެތާ އެއިރުން" ސަލީމް އޭނަގެ އަންހެނުންނަށް ބަލާފައި ހޭންފެށިއެވެ.

"ތިހެން ނުބުނޭ ސަލީމް. އަހަރެން މިހާރު ވެސް ވަރަށް އުފަލުން މިހުރީ. އެކަމަކު އަހަރެންގެ ހިތުގައި މިވަގުތު އޮތީ ހަމައެކަނި އެ ގެއާ ބެހޭ ސިއްރު ހޯދުން" އަޝްރަފް ހިނިތުންވެލަމުން ބުންޏެވެ.

"އަޝްރަފް، އެ ގެއާ ބެހޭ ގޮތުން ދިރާސާ ކުރުމަކީ ރަނގަޅު ކަމެއް ނޫން. އެ ގޭގައި ވަރަށް ނުބައި އެއްޗެއް އެބައޮތް" ސަލީމްގެ އަންހެނުން ކުއްލިއަކަށް ސީރިއަސްވެގެން ބުންޏެވެ.

"ކޮން އެއްޗެއް؟ ކިހިނެއް ތި އެނގުނީ؟" އަޝްރަފް ހައިރާންވެފައި އޭނާއަށް ބަލާލިއެވެ.

"އަހަރެންގެ މާމަ އެ ގޭގައި އުޅުއްވި. އެ ގޭގައި ވަރަށް ނުބައި ރޫހެއް އުޅޭކަމަށް މާމަ ބުނެފައިވޭ. އެ ރޫހު ގޭގެ މީހުންނަށް ގޯނާކުރާ ކަމަށް ވެސް ބުނޭ" ސަލީމްގެ އަންހެނުން ބިރުން ބުންޏެވެ.

"އެ ގޭގައި އުޅޭ ރޫހަކީ ކުރީގެ ވެރިޔެއްގެ ރޫހު ކަމަށް ބުނޭ. އޭނާ މަރުވެފައިވަނީ ވަރަށް ހިތާމަވެރި ގޮތަކަށް. އޭނާގެ ހަނދާންތައް އެ ގޭގައި ހުރި ފޮށްޓެއްގައި ރައްކާކޮށްފައި ހުރި ކަމަށް ވެސް ބުނޭ" ސަލީމް ބުންޏެވެ.

"އަހަރެމެން އެ ގެއަށް ދާންވީ ނޫންތަ؟ އެ ފޮށި ހޯދަން" އަޝްރަފްގެ ލޮލުގައި ޝައުޤުވެރިކަމުގެ އަލިގަދަކަމެއް ފެނުނެވެ.

"އަޝްރަފް، އެއީ ނުރައްކާތެރި ކަމެއް" ސަލީމް ފަހަތަށް ޖެހުނެވެ.

"ސަލީމް، މިއީ އަހަރެންގެ ދިރާސާއަށް ވަރަށް މުހިންމު ކަމެއް. އަހަރެން އެކަނި ދާނަން" އަޝްރަފް ބޭނުންވީ އެކަނި ނަމަވެސް ދާށެވެ.

ސަލީމް އާއި އެކު އެގޭގައި އުޅުމަށްފަހު އަޝްރަފް ގެއަށް ދިޔައީ އިރުއޮއްސެން އުޅެނިކޮށެވެ. ވަރަށް ހަމަޖެހިލާފައި ގޮސް ގޯތިތެރެއަށް ރަނގަޅަށް ބަލައިލިއެވެ. ފަނޑު އަލިކަމެއް ފެތުރިފައިވާ އެގޯތީގައި އެއްވެސް މީހެއްގެ ހިލަމެއްވެސް ނެތެވެ. ކުރިމަތީގައި ހުރި ޖޯލީގައި މުންޑެއް ހިއްކަން އަޅުވާފައި އޮތެވެ. ބަލާބެލުމަށް އެއީ ދޮންއާދަނުގެ މުންޑަކާއި ވަރަށް ވައްތަރެވެ.  

އެރޭ، އަނދިރިކަން ވެރިވެފައިވާ ވަގުތުގައި، އަޝްރަފް އެގެއަށް ވަނެވެ. އޭނާގެ އަތުގައި އޮތް ޓޯޗުގެ އަލީގައި ގޭތެރެ ބަލަމުން ދިޔައެވެ. ކުއްލިއަކަށް، އޭނާއަށް އަޑެއް އިވުނެވެ. ވަރަށް މަޑު އަޑަކުން ކާކުތޯ ގޮވާލި އަޑެވެ. އަޝްރަފް ސިހި، ފަހަތަށް ޖެހެވުނީ ބޭއިޚްތިޔާރުގައެވެ. އޭނާގެ ހިތުގެ ވިންދު އަވަސްވެއްޖެއެވެ.

އަޝްރަފް ހިތްވަރު ކޮށްލައިގެން ކުރިއަށް ދިޔައެވެ. އޭނާއަށް ފެނުނީ ބޮޑު، ބާ ފޮށްޓެކެވެ. އަޝްރަފް ފޮށި ހުޅުވާލިއެވެ. ކުއްލިއަކަށް، ވަރަށް ބާރު އަޑަކާއެކު، ދުންގަނޑެއް ފޮށީގެ ތެރެއިން ނުކުތެވެ. އަޝްރަފް ބިރުން ހަޅޭއްލަވާލިއެވެ.

އެ ދުންގަނޑު މީހެއްގެ ސިފައަށް ބަދަލުވިއެވެ. އެއީ ވަރަށް ދުވަސްވީ މީހެއްގެ ސިފައެވެ. އޭނާގެ ލޮލުގައި ހުރީ ހިތާމައާއި ރުޅިވެރިކަމެވެ.

"ކާކުތޯ ތިޔަ އުޅެނީ އަހަރެންގެ ހަނދާންތަކާ ކުޅެން؟" އެ ރޫހު ގޮވާލިއެވެ.

"އަ... އަހަރެން... މާފުކުރައްވާ... އަހަރެން ހަމައެކަނި ބޭނުންވީ މި ގެއާ ބެހޭ ސިއްރު ހޯދަން..." އަޝްރަފް ވަރަށް ބިރުވެރިކަމާއެކު ބުންޏެވެ.

"ތިޔަ ސިއްރު ހޯދުމަކީ ނުރައްކާތެރި ކަމެއް. އަހަރެންގެ ހަނދާންތަކަކީ އަހަރެންގެ އަމިއްލަ އެއްޗެހި. އެއާ ކުޅެން އުޅުނު ކޮންމެ މީހަކަށް ވެސް ލިބުނީ ހަމައެކަނި ހިތާމައާއި ވޭން" ރޫހު އަޝްރަފްއާ ދިމާއަށް ކުރިއަށް އައެވެ.

"ތިޔައީ ތެދުބަހެއްތޯ؟ ތިޔަ ހަމައެކަނި ބޭނުންވަނީ ޙަޤީޤަތް ދެނެގަންނަންތޯ؟" ރޫހު ކުޑަކޮށް މަޑުޖެހުނު ކަހަލައެވެ.

"އާދެ، އެއީ ހަމަ ތެދު. އަޅުގަނޑަކީ ދިރާސާކުރާ މީހެއް. އަޅުގަނޑު ބޭނުންވަނީ ހަމައެކަނި މި ގެއާ ބެހޭ ތާރީޚު ދެނެގަންނަން" އަޝްރަފް ބޮލުން އިޝާރާތްކޮށްލިއެވެ.

"އެހެންކަމަށްވަންޏާ، އަހަރެން ތިޔަ މީހާއަށް އަހަރެންގެ ވާހަކަ ކިޔައިދޭނަން. އެކަމަކު ޝަރުތެއް އެބައޮތް. ތިޔަ މީހާ އަހަރެންގެ ހަނދާންތަކާ ދުވަހަކު ވެސް ނުކުޅޭނެ ކަމަށް ވަޢުދުވާންވާނެ" ރޫހު ވާހަކަ ދައްކަން ފެށިއެވެ.

"އަޅުގަނޑު ވަޢުދުވަން. އަޅުގަނޑު ހަމައެކަނި އަޑުއަހާނަން" އަޝްރަފް އަވަހަށް އެއްބަސްވިއެވެ.

"އަހަރެންނަކީ މި ގޭގެ ކުރީގެ ވެރިޔާ. އަހަރެން މި ގެ އިމާރާތްކުރީ އަހަރެންގެ ލޮބުވެތި އަނބިމީހާއަށްޓަކައި. އެކަމަކު އަހަރެންގެ އަނބިމީހާ ކުއްލިއަކަށް ބަލިވެ، މަރުވެދިޔައީ" ރޫހު އޭނާގެ ވާހަކަ ފެށިއެވެ.

އަޝްރަފް އަޑުއަހަމުން ދިޔައިރު، އޭނާގެ ހިތުގައި ހިތާމައާއި ހަމްދަރުދީގެ އިހުސާސް އުފެދެމުން ދިޔައެވެ. ރޫހުގެ ވާހަކައިން އޭނާއަށް އެނގުނީ މި ގެއަކީ ލޯބީގެ ނިޝާނެއްކަމާއި، އަދި ހިތާމައިގެ ތަނެއްކަމެވެ.

"މިހާރު ތިޔަ މީހާއަށް އެނގިއްޖެ މި ގޭގެ ސިއްރު. އަހަރެންގެ ހަނދާންތަކަކީ އަހަރެންގެ އެންމެ އަގުހުރި އެއްޗެހި. އެ ރައްކާތެރިކޮށްދީ" ވާހަކަ ނިމުމާއެކު، ރޫހު ބުންޏެވެ.

"އަޅުގަނޑު ވަރަށް ބޮޑަށް ޝުކުރު ދަންނަވަން ތިޔަ ވާހަކަ ކިޔައިދެއްވި ކަމަށްޓަކައި. އަޅުގަނޑު ވަޢުދުވަން، ތިޔަ ބޭފުޅާގެ ހަނދާންތަކާ ދުވަހަކު ވެސް ނުކުޅޭނަން" އަޝްރަފް ބުނެލިއެވެ.

"ތިޔައީ ހެޔޮ ހިތެއްގެ އިންސާނެއްކަން އެނގޭ. އަހަރެންގެ ވާހަކަ ކިޔައިދިނުމަށް ތިޔަ މީހާ ހޮވުނީ ރަނގަޅަށް. ދެން އަހަރެން ހިތްހަމަޖެހިގެން ހުރެވޭނެ" ރޫހު ލޯބިވެރި ހިނިތުންވުމަކުން އަޝްރަފްއަށް ބަލާލިއެވެ.

"އަހަރެން ދެން ދާންވެއްޖެ. ތިޔަ މީހާގެ ހެޔޮ ނިޔަތަށްޓަކައި ޝުކުރިއްޔާ" ކުއްލިއަކަށް، ރޫހު ފަނޑުވާން ފެށިއެވެ.

އަޝްރަފް ހައިރާންވެފައި ބަލަހައްޓައިގެން ހުއްޓާ، ރޫހު ފަނޑުވެ، ގެއްލިގެން ދިޔައެވެ. ގޭތެރެއަށް އަނެއްކާވެސް ހަމަހިމޭންކަން ވެރިވިއެވެ. އަޝްރަފް ފުން ނޭވާއެއް ލިއެވެ. އޭނާގެ ހިތުގައި ބިރުވެރިކަމުގެ ބަދަލުގައި މިހާރު އޮތީ އުފާވެރިކަމާއި ހިތްހަމަޖެހުމެވެ.

= ނުނިމޭ =