ހުޅުމާލޭގެ ދެވަނަ ފިޔަވަހި ފެށޭ ހިސާބުގައި ތަރައްގީކުރަމުން އަންނަ ބޭފެންސީ ރެޒިޑެންސް އަކީ ޒަމާނީ ފެންވަރުގައި ތަރައްޤީކުރާ ހިތްގައިމު އެޕާޓްމަންޓްތަކެކެވެ. ސިންގަޕޫރުގެ ރިއަލްއެސްޓޭޓް ކުންފުންޏެއްކަމަށްވާ ބޭފެންސީއިން ވަނީ މީގެ ކުރިން ޗައިނާގައި 650،000 އަކަފޫޓުގެ ރާންޑާ މެންޝަން އާއި 150،000 އަކަފޫޓުގެ ރާންޑާ ޕާކާއި 2000،000 އަކަފޫޓުގެ ރާންޑާ އިންޓަނޭޝަނަލްގެ މަސައްކަތްތައް ނިންމައި އެކުންފުނީގެ ގާބިލްކަން ޔަގީންކޮށްދީފައެވެ.
ބޭފެންސީ ރެޒިޑެންސް ތަފާތުވަނީ ކީއްވެ؟
ބޭފެންސީ ރެޒިޑެންސް ނަމުގައި ހުޅުމާލޭގައި ހަދާ އިމާރާތުގައި ހުންނާނީ 1 ކޮޓަރި އަދި 2 ކޮޓަރިން ފެށިގެން 3 ކޮޓަރިއާއި މެއިޑްރޫމް ހިމެނޭގޮތަށް ހުންނަ ލަގްޒަރީ އެޕާޓްމަންޓްތަކެކެވެ. އަދި ސްކައި ވިލާ ހިމެނޭހެން ކޮންމެ އެޕާޓްމަންޓެއްގެ ބެލްކަނި ފަރުމާކޮށްފައިވަނީ ބަގީޗާއެއްވެސް ހިމެނޭ ގޮތަށެވެ.
- 1+1 އެޕާޓްމަންޓް 735 އަކަފޫޓް
- 2 ކޮޓަރީގެ އެޕާޓްމަންޓް 859 -906 އަކަފޫޓް
- 2+1 އެޕާޓްމަންޓް 1133 އަކަފޫޓް
- 3+1 އެޕާޓްމަންޓް 1551 – 1925 އަކަފޫޓް
- ސްކައި ވިލާ 6135 – 6574 އަކަފޫޓް
ބޭފެންސީ އިމާރާތުގެ 17 ވަނަ ފަންގިފިލާގައި އިންފިނިޓީ ޕޫލަކާއި ޒަމާނީ ޖިމެއް އަދި ވެލްނަސް ސްޓޫޑިއޯއަކާއި ބާބަކިއު އޭރިއާގެ އިތުރުން ކުޑަކުދިން ކުޅޭނެތަނެއް، ލައިބްރަރީއަކާއި ބިލިއާޑް އޭރިއާއެއް ފަދަ މުހިންމު ވަސީލަތްތައް ހުންނާނެއެވެ. ފޭސް ރިކޮގްނިޝަން ޑޯ ލޮކް ސިސްޓަމާއި އޮޓޮމެޓިކް ކާޓަން އަދި ސްމާޓް ލައިޓިން ހަރުކުރުމަށް ވަނީ ހަމަޖެހިފައެވެ.
މި އެޕާޓްމަންޓްތައް ކައިރީގައި މިސްކިތަކާއި، ސްކޫލް، ޝޮޕިންމޯލް، ހޮސްޕިޓަލް ފަދަ އާންމު ޚިދުމަތްތައް ކުރިއަށްއޮތްތަނުގައި ގާއިމްވެގެންދާނެއެވެ.
" ކޮންމެ އެޕާޓްމަންޓެއްގައި ވެސް ޖާގަ ތަނަވަސް ބެލްކަންޏެއް ހުންނާނެ. އަދި އެއެޕާޓްމަންޓްތަކުގައި ދިރިއުޅޭ މީހުން ތަރުކާރީ ހެއްދުމަށް ހައިޑްރޯފޮނިކް ވެޖިޓަބަލް ޔުނިޓެއް ހުންނާނެ. ބޭފެންސީ ރެޒިޑެންސްގެ ކުރިމައްޗަށް ވާގޮތަށް 2000 އަކަ މީޓަރުގެ ޕާކެއް އަޅުގަނޑުމެން ތަރައްގީ ކުރާނަން. އަދި މޫދާ ކައިރިން 1200 އަކަމީޓަރުގެ އިތުރު ބިމެއްގައި ކޮމާޝަލް ކޮޕްލެކްސްއެއް ހެދުމަށް ވަނީ ހަމަޖެހިފައި. ބަޓްލާ ސާވިސްވެސް ދިނުމަށް ވަނީ ހަމަޖެހިފައި". ބޭފެންސީ އިން މައުލޫމާތު ދިނެވެ.
ހުޅުމާލޭގައި ހަދާފަހުރި ގިނަ ލަގްޒަރީ އެޕާޓްމަންޓްތަކުގެ ފުރަތަމަ ފަންގިފިލާ އަދި އެންމެ ތިރި ޚާއްސަ ކޮށްފައިވަނީ ކޮމާޝަލް ޔުނިޓްތަކަށެވެ. އެކަމަކު ބޭފެންސީއިން އެޕާޓްމަންޓް ގަންނަ ފަރާތްތަކުގެ ޕްރައިވެސީ އަށް ވިސްނުމަށްފަހު ނިންމީ މި އިމާރާތުގައި އެއްވެސް މިންވަރަކަށް ކޮމާޝަލް ޔުނިޓް ނުހިމެނުމަށެވެ. އޭގެ ބަދަލުގައި ކޮމާޝަލް ޔުނިޓް ގާއިމްކުރަނީ ޖެހިގެން އޮންނަ އެހެން ބިމެއްގައެވެ.
ކޮލިޓީ ދެމެހެއްޓުމަށް ގިނަ މަސައްކަތްތަކެއް
ހުޅުމާލޭގައި އިމާރާތްކޮށްފައިވާ ބައެއް އެޕާޓްމަންޓްތަކުން ފެންވަދެ ކޮލިޓީގެ ބައެއް މައްސަލަތައް ދިމާވެފައިވާއިރު ބޭފެންސީ ރެޒިޑެންސް އިމާރާތްކުރަނީ ވަރަށް ބޮޑަށް ކޮލިޓީއަށް ވިސްނައިގެންނެވެ.
" ޕައިލް ފައުންޑޭޝަން އެޅުމުގެ ބޭނުމަކީވެސް އިމާރާތުގެ ފެންވަރު ރަނގަޅު ކުރުން. އެއީ އިމާރާތުގެ ބަރުދަން ބިމުގައި ރަނގަޅަށް ހިފެހެއްޓުމަށް ކުރާ ކަމެއް".
ބޭފެންސީ ރެޒިޑެންސްގެ ލޮބީ އޭރިއާވެސް ހެދުމަށް ހަމަޖެހިފައިވަނީ 6.6 މީޓަރުގެ އުސް ސީލިންއަކާއެކު 150 އަކަމީޓަރުގެ ބޮޑުމިނުގައެވެ.
ވިއްކަން ފަށަނީ 20 އިންސައްތަ މަސައްކަތް ނިމުމުން
ބޭފެންސީ ރެޒިޑެންސްއިން އެޕާޓްމަންޓް ގަތުމަށް ނަން ނޯޓް ކުރެވިދާނެ އެވެ.
" 2025 ވަނަ އަހަރުގެ އޭޕްރީލް މަހު 20 އިންސައްތަ މަސައްކަތް ނިންމުމަށް މިމަސައްކަތް ކުރަނީ. ވަރަށް ބާރު ސްޕީޑުގައި މަސައްކަތް އެބަ ކުރިއަށްދޭ"
18 ފަންގިފިލާގެ މޫދު ކައިރީގައި ހަދާ ބޭފެންސީ ރެޒިޑެންސްގެ އެޕާޓްމަންޓްތަކުގެ އަގު އުޅެނީ 4.5 މިލިއަން އާއި 31 މިލިއަން އާއި ދެމެދުގައެވެ. ބޭފެންސީ ރެޒިޑެންސް ވެގެންދާނީ ލަގްޒަރީ ދިރިއުޅުމެއް ހުޅުމާލޭގެ އެންމެ ހިތްފަސޭހަ ސަރަހައްދުގައި އުޅެން ބޭނުންވާ ފަރާތްތަކަށް ރަނުގެ ފުރުސަތަކަށެވެ. މި ކުންފުނިން ބޭނުންވަނީ ފައިވް ސްޓާރ ހޮޓަލެއްގެ ފެންވަރުގައި އިމާރާތް ހަދާ ނިންމުމަށެވެ.
އިތުރު މައުލޫމާތު ހޯދުމަށް ގުޅާނެ ނަންބަރު: 9499918, 4001188
ވެބްސައިޓް: www.bayfancy.com
