'އެކްޒިމާ' އަކީ ވަރަށް އާއްމުކޮށް ހަމުގެ މަތީ ފަށަލައަށް ޖެހޭ ބައްޔެކެވެ. ދިރާސާ ތަކުން ދައްކާ ގޮތުގައި މިބައްޔަކީ ވަކި ފަރުވާއެއް ހޯދިފައި ނުވާ ކޮންޓްރޯލް ކުރަން އުދަގޫ، އަދި މިކަމުގެ ސަބަބުން އެތައް ވޭންތަކެއް އުފުލަންޖެހޭ ބައްޔެކެވެ. ހަމުގައި ހުންނަ ތެތްކަން ކެޑިގެންގޮސް ދިމާވާ ކަމެއްކަމަށް ޑޮކްޓަރުން ވިދާޅުވެއެވެ. ހަމުގައި ހުންނަ ތެތްކަން ކެޑުމުގެ ސަބަބުން ހަންގަނޑު ހިކެން މެދުވެރިވެ ކަހާގޮތް ދިމާވެއެވެ. އަދި ގިނަގިނައިން ކަހާގޮތް މެދުވެރިވާނަމަ ހަންގަނޑުފާރުވެ ޖަރާސީމު އުފެދޭގޮތް މެދުވެރިވެއެވެ.
މިބަލި ޖެހުމުން ހަމުގެ އެކި ހިސާބުތައް ރަތްވުމާއި، ތަންތަންގަނޑު ފޮއްސިވާގޮތް ދިމާވެއެވެ. ބައެއް ހާލަތްތަކުގައި މީގެ އަލާމާތްތައް ވަރަށްބޮޑަށް ފެނުނުކަމުގައިވިއަސް ބައެއްފަހަރު މީގެ އަލާމާތްތައް މަދުން ފެންނަ ފަހަރުވެސް އާދެއެވެ. މިބަލި އާންމުކޮށް ޖެހެނީ 9 ޕަސެންޓާއި 30 ޕަސެންޓުގެ ކުޑަކުދިންނާއި ފުރާވަރުގެ ކުދިންނަށްކަމުގައި ފާހަގަކޮށްފައިވެއެވެ.
ބައެއްފަހަރު ފުރާވަރަށް އެޅުމުން މިބަލި އެއްކޮށް ފިލާ ދިޔަނަމަވެސް، އަނެއްބައިފަހަރު މުޅި އުމުރުގައި މިބަލީގެ ވޭނުގައި އުޅެން ޖެހެއެވެ. އާއްމުކޮށް މިބަލީގައި ބޮޑުވަރުވަނީ ކުޑަކުދިންނަށެވެ. މިބަލީގެ އަލާމާތްތައް ބޮޑަށް ފެންނަނީ މޫނާއި، ބޮލުގެ ހަންގަނޑާއި، އަތުގެ އެކި ހިސާބުތަކާއި ފައިގެ ދަށްފުށުންނެވެ. މިއީ އާއިލީގޮތުން ވާރުތަވާ ކަމެއް ކަމަށް ވެސް ބައެއް ސިއްޙީ މާހިރުން ވިދާޅުވެއެވެ. އަދި އުޅޭ މާހައުލުގެ ސަބަބުންވެސް މިކަން މެދުވެރިވާ ކަމަށް ވެއެވެ.
އެކްޒިމާ ޖެހުމަށް މެދުވެރިވާ ބައެއް ސަބަބުތައް:
ހިރަފުހަށް އެލާޖިކްވުން
ޖަނަވާރަށް އެލާޖިކްވުމުގެ ސަބަބުން
ކަންކަމާ ފިކުރުބޮޑުވުން
ބައެއް ކަހަލަ ކެމިކަލްސް އަށް އެލާޖިކްވުން ނުވަތަ ޕެސްޓިސައިޓްގެ ސަބަބުން
ބައެއް ކަހަލަ ކޮސްމެޓިކްސް ނުވަތަ ސެންޓް ކަހަލަ އެއްޗެހީގެ ސަބަބުން
ބާރުގަދަ އޯމޯ ނުވަތަ ސައިބޯނީގެ ސަބަބުން
ލާން ގެންގުޅޭ އަންނައުނު ހަދާފައި ހުންނަ ބައެއް ކަހަލަ ފޮތީގެ ސަބަބުން
މިކަމުގައި ހަމުގެ ޑޮކްޓަރުންނަށް ދައްކައިގެންވެސް ހައްލެއް ނުލިބޭ ވާހަކައަކީ ވަރަށް ގިނައިން އަޑުއިވޭ ވާހަކައެކެވެ. އަދި މިކަމުގެ ވޭނުގައި އުޅެން ޖެހުމަކީ ވަރަށް ހިތާމަވެރި ހިތްދަތި ކަމެއްކަމުގައި ވެސް ބައެއް މީހުން ބުނެއެވެ. ހަމުގެ މައްސަލަތަކަކީ ވަރަށް ބޮޑެތި ހަރަދުތަކެއް ކުރަންޖެހޭ ބައްޔަކަށް ވާއިރު ކޮންމެ ފަހަރަކު ޑޮކްޓަރަށް ގޮސްގެން ބޭސް ބޭނުން ކުރުމުގެ ބަދަލުގައި ކުޑަ ހަރަދަކުން މިކަމަށް ހައްލެއް ހޯދިދާނެ އެނޫން ގޮތެއް އޮތްތޯ ބަލާލަމާ ހިނގާށެވެ.
ގޭގައި ދެވިދާނެ ފަރުވާ:
ބޭނުންވާ ތަކެތި:
1 މޭޒުމަތީ ސަމުސާ ޗިސްކޮށްފައިވާ ހިތިފަތް އަދި ރީދޫ
1 ތިކި ސެސަމީ އޮއިލް
ހިތިފަތާއި ރީދޫ އަދި ސެސަމީ އޮއިލް ރަނގަޅަށް އެއްކޮށްލުމަށްފަހު ހަންގަނޑުގެ ހަލާކުވެފައި ހުންނަ ހިސާބުގައި އުގުޅާލާށެވެ. އަދި 30 މިނިޓް ބަހައްޓާލުމަށްފަހު ދޮވެލާށެވެ. މިގޮތަށް ދުވާލަކު އެއްފަހަރު ބޭނުންކޮށްލާށެވެ.
އަދި ހަމަމިގޮތަށް ދެވިދާނެ އެހެން ފަރުވާއަކަށް ބަލާއިރު، ކާސްޓަރ އޮއިލް ހަންގަނޑުގައި ހަލާކުވެފައި ހުންނަ ތަންތަނުގައި އުގުޅާލުމުން އެކްޒިމާ ކޮންޓްރޯލް ކުރުމަށް އެހީތެރިވާކަމަށް ތަޖުރިބާކުރި މީހުން ވަނީ ބުނެފައެވެ.
ނޯޓް: މައުލޫމާތު ނަގާފައިވަނީ ހެލްތްގިވިންގ
ކިޔުންތެރިންގެ ހިޔާލު
ކާސްޓްރޯލް އޮއިލް އަކީ ސައިކަލަށް އަޅާ އަޑީތެލެއް. ރަނގަޅު ގޮތަކީ ކާސްޓަރ އޮއިލް.
ކޮމެންޓްސް ބަންދުކުރެވިފައި