ބ. އަތޮޅު ގޮއިދޫއަކީ ބ. އަތޮޅުގެ އިތުރު 2 ރަށް ކަމުގައިވާ ފުޅަދޫ އަދި ފެހެންދޫ އާއި އެއްފަޅަކުން ގުޅިފައި އޮންނަ ވަރަށް ހިތްގައިމު ރީތި ރަށެކެވެ. މިރަށުގެ ރީތިކަމުގެ އިތުރުން މިރަށުގެ މީހުންނަކީވެސް ވަރަށް ހިތްހެޔޮބައެކެވެ. ރަށަށް އަންނަ މެހްމާނުންނަށް އަދާކުރާ މެހުމާންދާރީ ފާހަގަކޮށްލެވެއެވެ. ފުޅަދޫ އާއި ފެހެންދޫ އަކީ މިރަށާއި އަޅާބަލާއިރު އެހާ ބޮޑެތި ރަށްރަށެއް ނޫނެވެ. ގޮއިދޫއަކީ ބ. އަތޮޅުގެ އެހެން ރަށްތަކާއި އަޅާބަލާއިރު ފުދޭވަރަކަށް ބޮޑު ރަށެއްކަމުގައިވިޔަސް އާބާދީ ވަރަށް މަދު ރަށެކެވެ.
ގޮއިދޫގެ ޚާއްސަކަމަކަށް ފާހަގަކުރެވެނީ މިރަށުގެ ވަލުތެރޭގައި އޮންނަ ކުޅިއާއި ޖެހިގެން ހުންނަ މަރުގަހެވެ. 'ޒީޓައިމްސް' ގެ ފަރާތުން މިރަށަށް ކުރި ދަތުރުގައި މިރަށުގައި ހުންނަ 'މަރު ގަހުގެ' ހަގީގަތާއި ގުޅޭގޮތުން މައުލޫމާތު ހޯދާލިއިރު މި ގަހަކީ ރާއްޖޭގައި އާންމުކޮށް ހެދޭ ގަހެއް ނޫންކަމަށް ވެއެވެ. ތަންކޮޅެއްކުރިން ވިލިމާލޭގައި މީގެ ގަހެއް ހުރިކަމަކަށްވެއެވެ.
ބ. ގޮއިދޫ އާޒާދުގޭ އަބްދުއްރަހީމް ޒަކަރިއްޔާ (76 އަހަރު) ވިދާޅުވީ އޭނާގެ އުމުރުން 7 އަހަރުން ފެށިގެން މަރުގަސް ހުންނަކަން ހަނދާންވާކަމަށެވެ. ކަނޑޫފަލުގެ އަރިމަތީގައި ހެދިފައި ހުންނަ މިގަހަކީ 1950 ވަނަ އަހަރުވެސް ހުންނަ ގަހެކެވެ. އޭރު ކުޑައިރު ކަނޑޫ ކަނޑަން ގޮސް އުޅުނުއިރު ފެންނަން ފެށި ގަހެއްކަމަށް ޒަކަރިއްޔާ ވިދާޅުވިއެވެ.
މިވައްތަރުގެ ދެގަސް މިރަށުގައި ހުރެއެވެ. މިގަހަށް މަރުގަސް ކިޔަނީ ކީއްވެގެންތޯ ސުވާލުކުރުމުން ޒަކަރިއްޔާ ވިދާޅުވީ "މިގަހުގައި ހުންނަ މޭވާއެއް ދޮންވެގެން ފަޅާލީމަ އޭގައި ހުންނަ އޮށްތައް ހުންނާނީ ވަނާތަކެއްހެން، އޭތި ރޫޅާލީމާ އޭތި ރާވާލުމަކީ ވަރަށް ބުރަ މަސައްކަތެއް." ޒަކަރިއްޔާ ސިފަކުރާގޮތުގައި އެރާވާލުމަކީ ވަރަށް އުދަގޫ މަސައްކަތެކެވެ. އެކަމުގެ ސަބަބުން އެގަހަށް މަރުގަހުގެ ނަމުން ނަންދެވިފައިވެއެވެ. އެމަސައްކަތަކީ ވަރަށް ގިނަ ވަގުތު ނަގާކަމެކެވެ. އޭގައި ހުންނަ އޮށްތައް ރާވާލީމާ ހުންނާނީ ވަރަށް ޗާލު ވަނާތަކެއް ގޮތަށެވެ.
އޮށްތައް ރާވާލަން އެނގޭ މީހަކަށް ރާވާ ނިންމުމަށް ގާތްގަނޑަކަށް 15 މިނިޓާއި 30 މިނިޓް ހޭދަވެއެވެ. އެހެންނަމަވެސް ފަހަކަށް އައިސް އެއޮށްތައް ރާވާލަން ވަރަށް ފަސޭހަކަމުގައިވެއެވެ. މިގޮތުން ރާވާލާއިރު އޭގައި ނަމްބަރު ޖަަހާކަމަށް ވަނީ ފާހަގަކޮށްފައެވެ.
" އެމަސައްކަތްކުރަނީ އާއްމުކޮށް ކުޅިވަރު ކުޅެން. ރޯދަމަހު ހުސްވަގުތު ފުރާލުމުގެ ބޭނުމުގައި އެކަންކޮށް އުޅޭ. އަދި ހަމައެހެންމެ އެރާވާލުމުން ސިކުނޑިއަށް ހިތްހަމަޖެހުން ލިބޭ. ރާވާ ނިންމާލުމުން އޭގައި ހުންނަ ވަނާތަކުގެ ސަބަބުން ހައިރާންކުރުވާހާ ރީތި. ބޭރުފުށުން ބަލާއިރު އޭތި ބޮޑަށް ވައްތަރީ މޭވާއަކާ".
މިގަހުގެ ފަތްތައް ދޮންވެގެން ގަސްދޮށަށް ފައިބާފަ ހުންނައިރު ބަލާލަން ވަރަށް ރީއްޗެވެ. މިރަށަށް ޒިޔާރަތްކުރާ މީހުން މިގަސް ކައިރިއަށް ފޮޓޯ ނަގަން ދަނީ އެފޮޓޯތައް ރީތިވީމައެވެ.
ނޯޓް: މިލިޔުމުގައި އޮށުގެ ފޮޓޯ ނުގެނެސްދެވުނީ މިދުވަސްވަރު އެގަހުގައި މޭވާ ނެތުމުންނެވެ.
ޖުމްލަ 14 ކިޔުންތެރިންގެ ހިޔާލު
ހދ. ކުރިނބީގަ ތީގެ ގަހެއްހުރޭ އެރަށުމީހުން އެގަހަށްކިޔަނީ މަރުވަކަރު ނޫނީ މަރަވަކަރު
ރާއްޖޭގެ ހައެއްކަ ރަށުގަ ހުރޭ
Migahah kiyaa aslu nan eba jehey balan. Meethi Varah vaththaru vey eba Varah viha gahakaa.
Cannon ball tree
މަރު ގަސް ހުރޭ ހއ މުލިދޫ އާ ހދ ފިނޭ ގަ ވެސް
Cedar Mangrove
Mieerava kulhibaehhen hunna ehcheh meythi nolhalumuun onnaney inshanehge sikudhi gothah
ނޭކުރެންދޫގަ ތީގެ ހަތަރު ފަސް ގަސް ހުރި، މިހާރު ހުންނަނީ އެއްގަސް ހެން ހީވަނީ، އެރަށު މީހުންވެސް ކިޔަނީ ހަމަ “މަރު ގސް”
Kobaa thibunaa oh thakuge photo
ހދ.ނޭކުރެންދޫގައި ވެސް ތިޔައިގެ ގަސް ހުރޭ
އޮށްތަކުގެ ފޮޓޯ ޖަހާލަދިންނަމަ ވަރަށް ފުރިހަމަ ވީސް.
Goidoo meehun egahah kiyaa ulhenee maru valhu gas
ހއ އުލިގަމު ވެސް އެބަހުރި މަނަވަކަރު ދެގަސް😇😇
ވިލިމާލޭގައި ހުރި ގަސް މަރެއްނުވެ އެބަހުރި
ކޮމެންޓްސް ބަންދުކުރެވިފައި