ރެސްޓޯރެންޓަކަށް ކާންދާނަމަ އެތަނެއްގެ ގަވާއިދަށް ހުރުމަތްތެރިކޮށް ހިތުމަކީ ވަރަށް މުހިންމު ކަމެކެވެ. އަދި ކޮންމެ މީހަކަށްވެސް އިހްތިރާމް ކުރުމަކީ އޮންނަ ކަމެއްކަމަށް ގަބޫލު ކުރަންޖެހެއެވެ. ރެސްޓޯރެންޓްތަކުގައި މަސައްކަތްކުރަން ތިބޭ އަދި ސާފުކުރަން ތިބޭ މީހުންނަކީވެސް ތިމާފަދަ އިންސާނުން ކަމުގައި ދަންނަންޖެހެއެވެ. އެމީހުންނާ ދިމާލަށް ހިތުހުރިހާ އެއްޗެއް ގޮވާ އެމީހުންގެ މައްސަލަ އެ ރެސްޓޯރެންޓެއްގެ ވެރިފަރާތަށް ރިޕޯޓްކުރުމުން އެމުވައްޒަފުގެ ވަޒީފާ ގެއްލޭ ފަހަރުވެސް އާދެއެވެ. ކޮންމެ ތަނެއްގައިވެސް އެތަނެއްގައި ކުރަން ހުންނަ ރަނގަޅުކަންކަމާއި ގޯސް ކަންކަން ހުރެއެވެ. އޭގެތެރޭގައި ރެސްޓޯރެންޓަކަށް ދާނަމަ ކުރަންޖެހޭ ކަންކަމާއި ނުކުރަންޖެހޭ ކަންކަން އެނގުން މުހިންމެވެ.
ޖެހިގެން ހުންނަ މޭޒުގައި އިންނަ މީހާއަށް އުދަގޫވާނެހެން ކަންކަން ނުކުރުން
ރެސްޓޯރެންޓަކީ އަމިއްލަ ގޭގައި އުޅޭހެން އުޅެވޭނެ ތަނެއް ނޫންކަން ވިސްނަން އެބަޖެހެއެވެ. މާބާރަށް ވާހަކަ ދެއްކުމާއި ހީސަކަރާތްޖެހުން އެއީ އަދަބު އަޚުލާގުގެ މިންގަނޑުން ބޭރުވީއެވެ. ލާރިދީގެން ކާން އަންނައިރު އެމީހުންގެ މިނިވަންކަމަކީ އޮންނަންޖެހޭ އެއްޗެއް ކަމަށް ގަބޫލުކުރާ ބަޔަކުވެސް އުޅެއެވެ. މިކަންކަމަކީ އެހެން މީހުންނަށް އުދަގޫ ނުވާނެހެން ކުރެވޭނެ ކަންކަމެވެ. ފޯނުގެ ރިންގް ބާރުކޮށް ބެހެއްޓުމާއި، އަންނަ ފޯނަށް މާބާރަށް ވާހަކަދެއްކުމަކީވެސް އަދަބު އަޚުލާގުގެ ބޭރުން ކުރެވޭ ކަމެކެވެ.
ފާޑުފާޑުގެ އަޑުއަޑުން ވެއިޓަރަށް ގޮވުން ނުވަތަ މުޚާތަބު ކުރުން
ރެސްޓޯރެންޓްތަކުގައި ވެއިޓަރާ މުޚާތަބު ކުރާނެގޮތް އެގިފައި އޮތުން ވަރަށް މުހިންމެވެ. ތުނބުން ފުމެގެން ނުވަތަ ފުއްޓަކިޖަހައިގެން ވެއިޓަރުންނަށް ގޮވުމަކީ ވަރަށް ހުތުރު އާދައެކެވެ. އަދި ނޫނިއްޔާ ("ކަލޯ އާދެބަލަ، އޭތް އޭތް) މިކަހަލަ ބަހުރުވައިން ގޮވުމަކީ ވަރަށް ފެންވަރު ދަށް މީހުންގެ އާދައެކެވެ.
ބޯނެ އެއްޗެއްހި ބޭރުން ގެނައުން
ރެސްޓޯރެންޓަކަށް ކާން ދާނަމަ ބޭރުން ޑްރިންކްސް ގަނެގެން އަދި ފެން ގަނެގެން ދިއުމަކީ ރަނގަޅުކަމެއް ނޫނެވެ. މިގޮތަށް ކަންކަން ކުރުމުން އެމީހުންގެ ކުރިމަތީގައި ތިމާގެ އަގުވެއްޓެއެވެ.
އޯޑަރ ނަގާއިރު ކައިރީގައި ތިބޭ ރައްޓެހިންނާ ވާހަކަ ނުދެއްކުން
ވެއިޓަރު މީހާ އޯޑަރު ނަގަން އަންނައިރު ދެން ތިބޭ މީހުން އެކަކު އަނެކަކަށް ވާހަކަ ދެއްކުމުން އޯޑަރު ކުރަންވީ އެއްޗެހި އޮޅެއެވެ. ނުވަތަ އޯޑަރ ނަގަން އަންނަ މީހާއަށް ކިޔާ އެއްޗެހި ރަނގަޅަށް ނޭނގިދާނެއެވެ. އެކަކު ވާހަކަ ދައްކާއިރު އަނެއްބަޔަކު އަޑުގަދަކުރުމަކީވެސް އަދަބާއި ޚިލާފުކަމެކެވެ.
ނެޕްކިންގެ ބޭނުން އެގުން
ނެޕްކިން އަކީ ކީއްކުރަން ބާއްވާފައި އޮންނަ އެއްޗެއްކަން އެނގެންޖެހެއެވެ. ބައެއް މީހުން އޭގެއިން މޭޒުމަތީގައި ހާކައި ނުވަތަ ރޯގާ ފުހެ ހަދައެވެ. އެއީ ކާއިރު ގަޔަށް އެޅިދާނެތީ ބޭނުންކުރަން އޮންނަ އެއްޗެކެވެ. އޭގެއިން ރޯގާފުހުމުން އެނަގައިގެން ސާފުކުރަންދާ މީހާއަށް އޭގެ ވައިރަސް އެރުމުގެ ފުރުސަތު އޮވެއެވެ. މިހެން ކަންކަން ކުރުމުން އެގެއްލުން ދެވެނީ އެހެން މީހަކަށެވެ. މިކަހަލަ ސިއްހީ ރައްކާތެރިކަމަށް ވިސްނާލުން މުހިންމެވެ.
މޭޒުމަތި ހަޑިކޮށްފަ ނުބެހެއްޓުން
ކާނިމިގެން މުޅިތަން ހަޑިކޮށްލުމުގެ ބަދަލުގައި ރީތި އާދަ ގެންގުޅެންޖެހެއެވެ. އެއީ ތިމާގެ އަމިއްލަ ގެ ނޫންކަމުގައިވިޔަސް ސާފުކުރާ މީހަކަށް އެހާ އުދަގޫވާނެ ގޮތަކަށް އެކަންކަން ނުކުރުމަށް ވިސްނަންވާނެއެވެ.
މައުލޫމާތު: އިންސްޕަޔަރޑް ބައި އިންސައިޑަރސް
ކިޔުންތެރިންގެ ހިޔާލު
barAbaru waiter akah ulheytha10 aharu.resort ga . hama faahaga vaa kameh dhivehin waiter meeha ah hama ehves respect eh nukurey nukuran bunefi huri huriha kameh kurey Europe akee hama rangalha ves thahuzeebu mujuthamu eh. Asia akee eyge idhikolhu
ކޮމެންޓްސް ބަންދުކުރެވިފައި