މޭވާއަކީ އާއްމުކޮށް ލިބެން ހުންނަ އެއްޗެކެވެ. ބައެއް މޭވާ އަކީ ރާއްޖޭގައި ހައްދައިގެން ކެވޭ މޭވާ އެވެ. އެހެންނަމަވެސް ބައެއްކަހަލަ މޭވާތަކަކީ ރާއްޖެއަށް ގެންނަ އަގުބޮޑުކޮށް ގަންނަން ލިބޭ މޭވާއެެވެ. އޭގެތެރެއިންވެސް ބައެއް މޭވާއަކީ އަތްފޯރާފަށުގައި ލިބެން ނުހުންނަ މޭވާއެވެ. ބައެއް ވައްތަރުގެ މޭބިސްކަދުރު، ކިވީ ސްޓޯބެރީވެސް ހިމެނެއެވެ. ދައްކަން މިއުޅެނީ ދުނިޔޭގެ އެންމެ އަގުބޮޑު މޭވާގެ ތެރޭގައި ހުންނަ އަގުގެ ގޮތުން ހިތަށްވެސް ނުގެނެވޭ އަގުގައި ހުންނަ މޭވާގެ ވާހަކައެވެ. މިމޭވާތަކަކީ ވަކި ގައުމުތަކަށް ނިސްބަތްވާ އަދި ވަކި ކަންކަމާއި ގުޅިގެން އަގުބޮޑުވެފައިވާ މޭވާތަކެއް ކަމުގައިވެސް ފާހަގަކުރެވެއެވެ.
ޔުބަރީ ކިންގް މެލަން
މިމޭވާއަކީ ދުނިޔޭގެ އެންމެ އަގުބޮޑު އެއް މޭވާގެ ގޮތުގައި މަޝްހޫރުވެފައިވާ މޭވާއެކެވެ. މިއީ ޖަޕާނުގެ ހޮކައިޑޯގައި ބޭއްވުނު ފެސްޓިވަލެއްގައި ހަދިޔާއެެއްގެ ގޮތުގައި އަރިސްކުރެވިފައިވާ މޭވާއެކެވެ. މިމޭވާއަކީ ވަށްކޮށް އޮންނަ ވަރަށް ފޮނި ރަހަލާ މީރު މޭވާއެކެވެ. މިމޭވާ ވިއްކާފައިވަނީ 30000 ހާސް ޑޮލަރަަށެވެ. މިއީ މޭވާއަކާ ބަލާއިރު ފުދޭވަރެއްގެ އަގުހުރި މިންވަރެކެވެ.
ލޮސްޓް ގާރޑަން އޮފް ހެލިގަން ޕައިނެޕަލް
މިއީ "ކޯން ވޯލްސް ލޮސްޓް ގާރޑަން ހެލިގަން ޕައިނެެޕަލް"ގެ ނަމުން ނަންދެވިފައިވާ އެއްޗެކެވެ. މިއީ ތަފާތު ވައްތަރެއްގެ އަލަނާސިއެކެވެ. މީގައިން އެއްޗެއްގެ އަގަކީ 15000 ޔޫއެސް ޑޮލަރެވެ.
ޑެންސުކު ވޯޓަރމެލަން
މިއީ ދުނިޔޭގައި އަގުބޮޑުކަމަށް ބުނަމުން އަންނަ މޭވާއެވެ. މި ކަރާގެ ބޭރު ތޮށީގައި ހުންނަ ކަޅުކުލައަކަށްދާ ކަހަލަ ކުލައަކީ ވަރަށް ތަފާތު ރީތި ކުލައެކެވެ. މިއީ އާދައިގެ ކަރާއާއި އަޅާބަލާއިރު ވަރަށް މީރު ވަރަށް ފޮނިރަހަ ގަދަ ކަރަލެކެވެ. މިއީވެސް ޖަޕާނުގެ ހޮކައިޑޮއިން މަޝްހޫރުވެފައިވާ އަގުގެ ގޮތުން ފުދޭވަރަކަށް ބޮޑު އެއްޗެކެވެ. މީގެ ކަރައެއްގެ ބަރުދަނުގައި 11 ކިލޯ ހުންނަ ކަމަށްވެއެވެ. މީގެ ކަރައެއްގެ އަގަކީ 6100 ޔޫއެސް ޑޮޮލަރެވެ.
ރޫބީ ރޮމަން ގްރޭޕްސް
މި މޭބިސްކަދުރަކީ އަގުބޮޑުވާއިރު މަދުން ނޫނީ ލިބެންވެސް ނުހުންނަ މޭވާއެކެވެ. މީގެ އެންމެ ކުޑަ ކޯޅިއެއްވެސް ލިބެން ހުންނަނީ 90 ޑޮލަރާއި 450 ޑޮލަރުގެ އަގެއްގައެވެ. މިއީވެސް ޖަޕާނުގެ އިޝިކަވާއިން ލިބެން ހުންނަ މޭވާއެކެވެ.
މިޔަޒަކީ މެންގޯ
މިވައްތަރުގެ އަނބަކީ ވަރަށް މީރު ވަރަށް ތަފާތު ފޮނިރަހަލައެއްލާ މީރު މީރު އަނބެކެވެ. ތަފާތު ރީތި ޕީޗީ ރަތްކުލައަކަށްދާ މިރީތި އަނބެއްގެ އަގަކީ 50 ޑޮލަރާއި 3600 ޑޮލަރެވެ
މައުލޫމާތު: މޯސްޓް އެކްސްޕެންސިވް ފްރުޓް ވާލްޑް
ކިޔުންތެރިންގެ ހިޔާލު
ރަތް އަނބު މިއީ އެހާ އަގުބޮޑު އެއްޗެއްތޯ؟ މާފަންނުގަ ހުންނަ ގެއަކުން ކުރިން ލިބޭ ހިލޭ ބޮޑެތި ރަތްކޮތަޅު ފުރާ. ގައިމުވެސް 2004 ހިސާބުގަވެސް ލިބުނު. ވަރަށް ނަސީބު ގަދަތާ އެހެންވީމަ.
ކޮމެންޓްސް ބަންދުކުރެވިފައި