ދިރިއުޅުމުގައި ބަދަލަކީ އަބަދުވެސް ކުރިމަތިވާނެ ކަމެކެވެ. އަޅުގަނޑުމެންގެ ދިރިއުޅުމުގައި ކުރިމަތިވާ ބަދަލުތަކަށް ތައްޔާރުވެ ތިބުމަކީ ވަރަށް މުހިންމު ކަމެކެވެ. މިގޮތުން ބަދަލަށް ތައްޔާރުވުމުގައި ސަމާލުކަން ދޭންޖެހޭ ބައެއް ކަންތައްތައް މި އާރޓިކަލްގައި ފާހަގަކޮށްލާނަމެވެ.
1- ބަދަލަކީ ދިރިއުޅުމުގެ ޙަޤީޤަތްކަން:
ފުރަތަމަ ކަމަކީ، ބަދަލަކީ ދިރިއުޅުމުގެ ޙަޤީޤަތެއްކަން ޤަބޫލުކުރުމެވެ.
އަޅުގަނޑުމެންގެ ވަށައިގެންވާ މާޙައުލާއި، އިޖްތިމާޢީ ގުޅުންތަކާއި، އަދި އަމިއްލަ ނަފްސުވެސް އަބަދުމެ ބަދަލުވަމުންދާކަން ޤަބޫލުކުރަން ޖެހެއެވެ. މިކަން ޤަބޫލުކުރުމުން، ބަދަލުތަކާ ކުރިމަތިލުމުގެ ޤާބިލުކަން އިތުރުވެގެންދާނެއެވެ.
2- އަމިއްލަ ނަފްސު ދެނެގަތުން:
ދެވަނަ ކަމަކީ، އަމިއްލަ ނަފްސު ދެނެގަތުމެވެ. އަމިއްލަ ނަފްސުގެ ވަށްތަރާއި، ޤާބިލިއްޔަތުތަކާއި، އަދި ހުނަރުތައް ދެނެގަތުމަކީ ބަދަލުތަކާ ކުރިމަތިލުމުގައި އެހީތެރިވެދޭނެ ކަމެކެވެ. މިގޮތުން، އަމިއްލަ ނަފްސު ތަރައްޤީކުރުމަށް މަސައްކަތްކުރުމަކީ މުހިންމު ކަމެކެވެ.
3- ދުރާލާ ރޭވުން:
ތިންވަނަ ކަމަކީ، ދުރާލާ ރޭވުމެވެ. ކުރިމަގުގައި ދިމާވެދާނެ ބަދަލުތަކަށް ތައްޔާރުވުމަށްޓަކައި ރޭވުންތެރިކަމާއެކު ޕްލޭންތައް އެކުލަވާލުމަކީ މުހިންމު ކަމެކެވެ. މިސާލަކަށް، ކެރިއަރ ދާއިރާގައި އަންނަ ބަދަލުތަކަށް ތައްޔާރުވުމަށް އައު ހުނަރުތައް ދަސްކުރުމާއި، ތަޢުލީމީ ފެންވަރު މަތިކުރުން ހިމެނެއެވެ.
4- ހިތްވަރާއެކު ކުރިމަތިލުން:
ހަތަރުވަނަ ކަމަކީ، ހިތްވަރުގަދަކަމާއެކު ކުރިމަތިލުމެވެ. ބަދަލުތަކާ ކުރިމަތިލާއިރު، ބިރުވެރިކަމާއި ނުތަނަވަސްކަން އިޙްސާސްވުމަކީ އާންމު ކަމެކެވެ. ނަމަވެސް، މި އިޙްސާސްތަކުން މައްޗަށް ތެދުވެ، ހިތްވަރުގަދަކަމާއެކު ކުރިމަތިލުމަކީ މުހިންމު ކަމެކެވެ.
5- މީހުންގެ އެހީހޯދުން:
ފަސްވަނަ ކަމަކީ، އެހެން މީހުންގެ އެހީތެރިކަން ހޯދުމެވެ. ބަދަލުތަކާ ކުރިމަތިލުމުގައި އާއިލާއާއި، ރަޙްމަތްތެރިންނާއި، އަދި ޕްރޮފެޝަނަލް އެހީތެރިކަން ހޯދުމަކީ ބޭނުންތެރި ކަމެކެވެ. މިފަދަ އެހީތެރިކަމުން ނަފްސާނީ ގޮތުންނާއި ޢަމަލީ ގޮތުން ބާރުލިބިގެންދާނެއެވެ.
6. އުއްމީދާއެކު ކުރިޔަށް ދިއުން:
ހަވަނަ ކަމަކީ، އުންމީދާއެކު ކުރިޔަށް ދިއުމެވެ. ބަދަލުތަކަކީ އާ ފުރުޞަތުތަކެއްގެ ގޮތުގައި ދެކުމަކީ މުހިންމު ކަމެކެވެ. ކޮންމެ ބަދަލަކާއެކު އަންނަ ގޮންޖެހުންތަކުން ދަސްވާ ފިލާވަޅުތަކަކީ އަމިއްލަ ނަފްސު ތަރައްޤީކުރުމަށް ލިބޭ ފުރުޞަތުތަކެކެވެ.
ނިންމާލަމުން ދަންނަވާނީ، ބަދަލަށް ތައްޔާރުވުމަކީ ދިރިއުޅުމުގައި ކާމިޔާބީގެ ތަޅުދަނޑިއަށް ވާސިލްވުމަށް މުހިއްމު ހަރުފަތެކެވެ. ވީމާ، އަޅުގަނޑުމެންގެ ވަށައިގެންވާ މާޙައުލު އަބަދުމެ ބަދަލުވަމުންދާއިރު، މި ބަދަލުތަކާއެކު ހަރުދަނާކަމާއެކު ކުރިއަށް ދިއުމަށް ތައްޔާރުވެ ތިބުމަށް މަސައްކަތް ކުރަމާ ހިގާށެވެ.
އެޑިޓަރުގެ ނޯޓް: މިއީ ސޯޝަލް އިމޯޝަނަލް އިންޓެލިޖެންސް ކޯޗެއް އަދި ގައިޑަންސް އެންޑް ކައުންސެލަރ އެއްގެ ގޮތުގައި މަސައްކަތްކުރައްވާ ސަމާ އިބްރާހީމް ދީދީ "ޒީޓައިމްސް" އަށް ހަދިޔާ ކޮށްފައިވާ ލިޔުމެކެވެ. މި ލިޔުމުގެ ބޭނުމަކީ ކިޔުންތެރިންނަށް ދިރިއުޅުމުގެ ހުނަރުތަކާއި ހަރުދަނާ ބަދަހި ގުޅުންތަކެއް ދެމެހެއްޓުމަށް ކުރެވިދާނެ ކަންތައްތަކުގެ މަޢުލޫމާތު ހިއްސާކުރުމެވެ.
